Грижа за корисниците
Клиентот е секогаш на прво место, од нашите најсовремени производни погони, до нашиот искусен персонал. Секој сегмент од процесот ги става нашите клиенти во својот фокус. Нашата мисија, заснована врз ненадминливата грижа за корисниците, е да им помогне на жените да имаат сопствен уникатен и впечатлив изглед.

Крој по мерка за совршен изглед
Она по кое се издвојуваме е единствената можност за прекројување на облеката според вашето тело. Со услугата крој по мерка за совршен изглед, секоја дама добива можност за прекројување на избраниот модел, без деформирање на истиот. Доколку е потребно, се земаат мерки според вашата фигура, а потоа се прават корекции, со цел да се добијат парчиња облека во кои ќе се чувствувате удобно и ќе заблескате со беспрекорен сјај.

Bella Lure
Водени од грижата за своите клиенти и посветеноста на мисијата да го облагородиме нивниот личен стил, ја создадовме свечената линија Bella Lure, која ја акцентира женственоста, грациозноста и убавината. Моделите од овие колекции се секогаш изработени од деликатни материјали со докажан квалитет, совршени детали и создадени да го задоволат свечениот, елегантниот и отмен изглед на секоја дама.

Општествена одговорност
Во Bella ставаме посебен акцент врз општественоодговорното и етичко водење на бизнисот. Непоколебливо сме посветени кон запирање на уништувањето на глобалната животна средина и креирање иднина каде луѓето живеат во меѓусебна хармонија и склад со природата. Нашиот систем на работење е развиен во согласност со нормите за намалување на загадување на животната околина и промовирање разумна потрошувачка. Рециклирањето е дел од нашите секојдневни операции и нашите корпоративни принципи. Донациите се составен дел на нашиот совесен и неуморен менаџерски систем. Преку своите донаторски кампањи, Bella се стреми да им помогне на ранливите општествени групи, од жртвите на трговија со луѓе, до сирачињата во Република Македонија.